Greyið Bretinn, hann á svo bágt!

Sideways Miðað við höfðatölu hér á landi og höfðatölu Bretlands, þá er þetta bara lítið bágt sem hægt er að setja plástur á.    Kannski þeir læri að kenna ekki litlum löndum um, hvernig fór.  Þeir ættu nú að naflaskoða sjálfan sigGetLost
mbl.is 4000 Bretar misstu vinnuna í gær
Tilkynna um óviðeigandi tengingu við frétt

Spilling á ekki bara við 'Island.

Það er augljóst, að með hruni Lehmans Brothers hafi svokallað "domino affect" farið af stað.  Þegar lítið land eins og 'Island á í hlut þá verða hróp og köll, allt fryst og látið fara til andskotans.  Þegar svona stórt land eins og Bandaríkin eiga í hlut þorir enginn að segja, að spilling eigi sér stað.  Þjóðverjar fyrir mistök lögðu inn á gjaldþrota banka og fá að finna fyrir því.  Bandaríkin segja; við borgum ekki, því þið skuldið okkur.  Það sama getur ekki verið sagt um 'Island, því allt sem landinn sagðist eiga, var allt á innlendum og erlendum lánum.  Held það skuldi enginn okkur neitt, nema Ríkisstjórnin landsins, útskýringar á, hvað gerðist og afhverju ekki hafi verið farið fyrr af stað, þegar augljóst var hvert stefndi með útrás banka landsins.  Enginn vill kannast við neitt; líklega sagt við sjálfa sig; ja, þetta reddastWhistling
mbl.is Tíu milljarða mistök
Tilkynna um óviðeigandi tengingu við frétt

'I morgunsárið blúsa ég.

Sæl, þið sem lesið þetta!  'Eg ákvað bara að blogga um allt og ekkert í morgunsárið, því fyrir mig er það hollt og gott að skrifa niður stundum hvernig ég hef það.  Annars hef ég það bara fínt.  Vaknaði í morgun og skellti Evu Cassidy á fóninn, og hef bara blúsað í rólegheitunum síðan ég vaknaði.  Kom stelpunum í skólann, fékk mér kaffi og sígó og hef verið að fletta á mbl.is og skoða hvað er að gerast þarna úti.  Er mikið að pæla í því að fara á fund í hádeginu því það brýtur upp daginn hjá mér.  'Eg var líka mikið að spekúlera í þeim viðbrögðum sem ég fékk við bloggið mitt í gær, hvað fólk getur verið með lítið á milli eyrnanna, að mínu matiW00t   Það hafa víst ekki allir sömu skoðanir og ég sem er gott, en ég vona að það séu nú fáir íslendingar.  Hef fundið fyrir reiði og ótta undanfarið bara útaf öllu og það er ekki gott fyrir litla sálatetrið, það er kominn tími á að ég fari bara að taka hlutina einn dag í einu, það er nú það eina sem ég get gert.  Ef ég hugsa of mikið um hlutina fyllist ég bara af óþægilegum og neikvæðum tilfinningum.  'Eg ætla því að fara út í daginn jákvæð með bros á vör og ef það dugar ekki til þá bara "fake it until you make it"  Það verður að dugaWink    Það verður víst ekki meira í dag þarf að fara að sortera sokka.Errm   Bless að sinni.

Hvað með ófaglært fólk!!

Mikið er gott að faglært fólk á Íslandi geti fengið atvinnu að nýju.  Það er samt erfitt að flytja frá fjölskyldu sinni, einungis til að getað séð þeim farborða, hvað þá að flytja búslóðina.  Ég vona bara að hér sé í boði flutningur á kostnað vinnuveitanda.  Það er auðveldara sagt en gert að missa atvinnu sína, hafa verið launalaus og þurfa svo að leita að atvinnu erlendis.

  En hvað með ófaglært fólk í landinu?  'A það bara að vera á bísanum og fá aðstoð frá kirkjunni eða bara að svelta!!

Ég trúi því að efnahagur Íslands eigi eftir að versna, fólkinu í landinu verði aldrei sagt hve slæmt ástandið sé. Ástandið núna, verður skrifað í sögubækur Íslands í framtíðinni.

Vil ég vekja athygli á því að nú, þurfum við lítilmagnan að standa saman fyllast þjóðarstolti í þessu "lýðræði" og mótmæla því sem er að gerast og heimta að ríkistjórnin segi af sér.  Með svona "BANANA" við stjórnvölin verða engir vegir færir.


mbl.is Leita starfsmanna á Íslandi
Tilkynna um óviðeigandi tengingu við frétt

Færeyingar eiga heiður skilið.

Færeyingar þessi litla þjóð með stóra hjartað, eru mun skilningsríkari en hinar frændþjóðir okkar.  Þeir hafa skilning á hvernig er að vera lítil þjóð með hrátt land sem hefur þurft aldeilis að berjast fyrir lífinu.  Mitt álit er að þeir eru mun skildari okkur íslendingum en aðrar frændþjóðir okkar, þar sem lífið hefur verið mun auðveldara.  Við höfum þurft að fikra okkur áfram með, hvernig hægt væri að nýta landið til afurðar og sjóinn til afkomu.  Finnst mér þetta líka eina landið á Norðurlöndunum sem að tungan hljómi eins og íslenska.  Tónlistin er líka lík okkar, upplifi ég hana sem náin tengsl við náttúruna og sjómennskuna.  Færeyingar eiga heiður skilið.  Takk fyrir.  Við launum ykkur þetta á einhvern hátt til baka.  Greiði á móti greiða, sem fátítt er nú til dags.  Samkennd og kærleikur er það sem á að gilda alltaf.
mbl.is Vill gefa Íslendingum 300 milljónirnar
Tilkynna um óviðeigandi tengingu við frétt

Lífsgleði mín er engu lík og var.

Í dag vaknaði ég ánægð með lífið, fór í æfingar og síðan til mömmu.  Alltaf gott að fara til mömmu, fá sér kaffi og spjalla um daginn og veginn.  Þar er breyting á, því nú snerist umræðan við eldhúsborðið um, hvernig við ættum að fara að næstu mánuðina.  Ég er elst fjögurra systkina og erum við fjölskyldan mjög samrýmd.  Foreldrar mínir eru á sextugsaldri og hafa þrælað sér út allt sitt líf til að eiga ofan í okkur og á og aðstoðað þegar þörf er á, hvort sem það er tilfinningalega eða fjárhagslega og svo öfugt.  Nú er staðan orðin svoleiðis að það sem þau hafa þrælað fyrir og eignast í gegnum tíðina, er kannski allt farið fyrir bí.  Ég sjálf hef verið þeirri auðnu aðnjótandi að eignast tvær yndislegar stúlkur, fallegt heimili og þak yfir höfuðið.  Það er líka hætta á því að það litla öryggi sem ég hef skapað, sé farið líka.  Í stað gleði þá fylltist hjarta mitt mikilli sorg og það eina sem ég get gert er að biðja og taka á þessu einn dag í einu.  Mér finnst mjög erfitt að horfast í augu við dagana núna.  Það sem kemur mér á fætur á morgnana eru stúlkurnar mínar sem ég vil ekki að vanhagi neitt.  Ég veit að margur hefur það verra en ég, þar á meðal ungt fólk sem er nýbyrjað búskap og hefur keypt sér bíl og hús með svokölluðum myntkörfulánum.  Við í fjölskyldunni ákváðum það að við myndum gera meira af því að borða saman og styrkja hvert annað á þann hátt.  Öll saman í púkk.  Jólin yrðu þannig að við kæmum saman og lítið yrði um nýjar gjafir í ár heldur ættum við að föndra og finna eitthvað á nytjamörkuðum og gefa hvort öðru.  Vonandi fara hlutirnir að breytast því lífsgleði mín er engu lík og var. 


Ríkissjónvarpið fer eftir úreltum lögum.

Ég, sem skattgreiðandi, finnst það skammarlegt að þurfa að greiða fyrir að, eiga sjónvarp og að

horfa á það í þokkabót.Angry Þegar ég bjó í Lúxemborg voru þó nokkrar stöðvar sem ég gat horft á,

án

þess að þurfa að borga fyrir það.  Lúx og Ísland eru sambærileg lönd miðað við höfðatölu,

þannig

að hægt er að miða við það.  Mér finnst svolítið sérstakt að ríkis rekin sjónvarpsstöð geti leyft

sér

, ekki aðeins að rukka þjóðina fyrir að eiga sjónvarp, heldur líka að vera á samkeppnismarkaði.

  Þætti mér réttast að RÚV ætti, að hætta, að rukka þjóðina fyrir sjónvarpsseign, og vera áfram

á samkeppnismarkaði fyrir auglýsingar eins og Skjáreinn gerir.  Persónulega finnst mér þetta

siðlaust.  Ef einhverjar reglugerðir eru yfir það, að það sé verið að fara eftir lögum, þá eru þær

reglur örugglega síðan að sjónvarp kom hingað fyrst til lands, og engum þá, hefur dottið í hug

að sjónvarpshorf yrði með þessum hætti. Shocking     

 

 


mbl.is Skjárinn segir öllum upp
Tilkynna um óviðeigandi tengingu við frétt

Hvers eigum við að gjalda?

Eins og staðan er í dag hjá þjóðfélaginu, fólki sagt upp störfum fleiri manns búið að missa atvinnu sína, húsnæði sitt og þar að auki sparifé sitt, þarf að segja meira!  Mætti þá ekki núllstilla samfélagið, væri þá ekki hægt að leyfa lífinu hér að ganga sinn vanagang, eins og ekkert hafi í skorist?  Væri það einhver fræðilegur möguleiki?  Erum við endanlega farinn á hausinn.  Er það líka fræðilegur möguleiki að leggja þetta kvótakjaftæði niður og leyfa þeim bátum sem orðnir eru eftir, að veiða eins mikið af fisk eins og þeir geta, þeir svo selt hann og gefið svo þessum sem minna mega sín í soðið!!!  Getum við, sem Íslendingar kyngt því, að það þurfi kannski, að taka upp annann gjaldmiðil en krónuna?  Er hún ekki ónýt hvort sem er!  Við  værum ekki að selja andskotanum sálu okkar þó að svo yrði.  Við erum Íslendingar, og verðum alltaf íslendingar hvernig sem fer.  Það getur enginn tekið það frá okkur.  Í sambandi við landhelgi okkar, ef svo fer, að við sameinumst ESB og  bátar annars staðar frá koma hér og veiða, gætu Íslensku bátarnir ekki þá farið að róa á öðrum miðum, og veitt fisk þar?
 
þetta eru nú bara mínir þankar, gætu verið rangar en gætu líka verið óvitlausar.
Vil ég biðja ykkur sem þetta hafið lesið endilega að kommenta til baka.  Er orðin
langþreytt eins og við öll, á krepputali og vil fá að sjá árangur hjá ríkisstjórninni.

Það var þörf en nú er nauðsyn.

Hvað er hægt að gera fyrir einstakling eins og mig?  Ég á tvö börn og tel að þau eiga rétt á því sama og önnur börn í þessu þjóðfélagi.  Ég er öryrkji og eins og málin standa í dag fjárhagslega get ég ekki leyft þeim að fara í neinar íþróttir, dans né tónlistarskóla.  Ég hef ekki efni á að borga frístundarskóla enda er ég heima eftir hádegi og sé ég ekki þörf fyrir það.  Ég er með um 200 þúsund á manuði í laun með meðlögum og af því borga ég 167 þúsund á mánuði í greiðsluþjónustu.  Þá á ég eftir 53 þúsund kr til þess að lifa og af því fer símreikningur og adsl, þá á ég eftir að kaupa mat fyrir mánuðinn og bensín á bílinn.  Ég get ekki leyft okkur að fara í bíó né neitt, hef ekkert aflögu.  Ég viðurkenni það að hafa fengið aðstoð kirkjunnar, en af því  ég hef fengið aðstoð hennar 3svar, kort í bónus fyrir 10 þúsund, þá hef ég ekki rétt á meiru.  Féló á Suðurnesjum , þvi ég bý nú þar neita mér um aðstoð því ég hef of há laun miðað við viðmiðunarmörk þeirra sem löngu eru orðin úrelt.  'Eg er ekki á félagslega kerfinu og barnaverndarnefnd er ekki í mínum málum.  Ég bý í eigin húsnæði.  Nú eru málin bara þannig mánuðurinn er rétt byrjaður og ég hef ekki efni á skeinipappír.  Finn ég nú hvað þörfin er mikil.  Veit ekki hvað ég á að gera annað en að ég hef fengið viðtal við bæjarstjórann hér og vil ég vekja athygli á viðmiðunarmörkum félagslegakerfisins eru úrelt, leiða þarf tónlist inn í skólana.  Bókakaup ætti að vera óþarfi skólarnir ættu að sjá um að útvega það og foreldrar borga fastagjald fyrir veturinn.  Máltíðir ættu einnig að vera inn í skólanum með fastagjald fyrir veturinn vil ég einnig vekja athygli hans á þörf á fjölskylduhjálp og mæðrastyrksnefnd í Reykjanesbæ. Síðan þarf ég að grátbiðja um aðstoð fyrir okkur mæðgurnar hve lágt þarf maður að leggja sig fyrir aðstoð.  'Eg sé ekki framá að ég geti séð börnunum mínum farborða eins og ástandið er núna.

Innskráning

Ath. Vinsamlegast kveikið á Javascript til að hefja innskráningu.

Hafðu samband